Eftir standa orðin - Auður Friðgerður Th Halldórsdóttir

Auður Friðgerður Thorlacius Halldórsdóttir er grunn-og framhaldsskólakennari á eftirlaunum. Ólst upp í Fossvoginum ásamt Kristínu systur sinni sem var greind með Cerebral palsy, ósjálfráðar hreyfingar.

 Býr í dag í Fljótshlíðinni með eiginmanni sínum Jens Sigurðssyni.

Kristín skráði ýmislegt sem hún upplifði og ætlaði sér að nýta sér sína reynslu til að aðstoða fatlað fólk við að ná meiri virðingu og réttindum í þjóðfélaginu. Leiðin var löng og ströng. Skjótt skiptast veður í lofti. Hún lauk stúdentsprófi frá MH vorið 1986 og átti gott sumar og hlakkaði til að takast á við háskólanám. Hún flutti úr foreldrahúsum í Sjálfsbjargarhúsið. Stuttu síðar var hún myrt á heimili sínu.

 

Í þessari bók kem ég hennar orðum óbreyttum að ásamt því að bæta við orðum frá mér. Þetta tók á og hefur tekið drjúgan tíma. Þetta er afraksturinn.

Blessuð sé minning Kristínar systur minnar.